مشاهدة النسخة كاملة : موضوع مررررره مهم *وكلكم حتشاركوا فيه*
ANA MABSOOOOOT
01 Feb 2009, 12:28
أحبابي وحبايبي ياأهل المدينه الحلوه
حبيت نتشارك مع بعضنا في هذاالموضوع المفيدجدا جدا
لإنو بصراحه مررررررره نحتاج نتكلم فيه عشان نتحسن ونكون أفضل
في مواضيعنا ومشاركاتنا وردودنا كمان
وأتمنى أن الكل يشارك لإنو يهمناكلنا
أولا :ماذا نكتب؟ يعني أهمية إختيارالموضوع
ثانيا:كيف نكتب؟ الإسلوب وطريقة العرض
ثالثا:كيف تكون ردودنا؟ يعني كيف نعطي الموضوع وكاتبه أوناقله حقه؟
ياجماعه أكيد المهم ليس الكثره والكم بل الأهم هو الكيف...
أبغى الكل يشارك في الثلاثة نقاط
أكيدطبعاماأقصدأنتقدأحدولاحتى موضوع بعينه
وماأحببت أن أوضحه هو ياجماعه الكل بيتمنى يحسن من نفسه
وينجح وينتج في عمله فخلوناناخذ آرائكم وإقتراحاتكم
ولكم مني كل حب وتقدير@
Night Queen
01 Feb 2009, 01:10
يعطيك العافيه طرحت شئ مهم بجد
يجد ياليت نرتقي بمانطرح
وتكون ردودنا نعبر عن مانقرأه ونعطي كاتب الموضوع حقه
مو شكر وبس
ياليت حتي نتقبل النقد عشان نحس فعلا اننا نطرح شئ يستفاد منه
وماتكون المسأله نسخ ولصق بس!!
اكيد لازم نكون واقعين
يعني احنا هون بالنت عم نقرا في افكار بعض
وما بشوف انو في داعي للمجاملات والتصنع
خلص لازم نظل ع طبيعتنا
فكرتك حلوة
وبتمنى يكون فيها مشاركات كتيرة
يعطيك الف عافيه على النفل الجميل
وكلامك جدا مهم وجاري ان شاء الله التطبيق
مع خالص حبي وتقديري
شعنونتكم
حَـزنََ ـآنَسآن
01 Feb 2009, 05:52
موضوعك مرررره نايس
وعما قريب راح نجاوب
lost-angel
02 Feb 2009, 09:11
صحيح كلامك
انا صرت الاحظ اغلب الناس يدخل عشان يشارك بالرد السريع ويطلع
مافيه مثلاً يكتب تعليق مناسب او يشارك في فكرة الموضوع
وبعض المواضيع احس انو مافيها اي تعليق مناسب يكون او داعي لوضعها
يعطيك الف عافية حبيبي وتسجيل حضور
الملاك الضائع
ANA MABSOOOOOT
02 Feb 2009, 12:23
ياسلاااااااااام أهو هوا دا الكلااااااااااااااام
إنتو كده خليتوني أحس إنو فعلا هذا موضوع مهم وأجمل مافيه هي ردودكم
وكلامكم الرائع والذي يدل على تفهمكم للواقع
هيا نبدأ مع بعض نقطه نقطه
أولا ماذا نكتب ؟وهل كلماأردنا المشاركه بموضوع أخذناأي شئ من أي مكان
يالله ولاتشيل هم كلهاعمو نسخ وخالو لصق ياسلااااااااام
ألحين بيدخلوا يعلقوا وينبسطوا ويفرفشوا ويمكن يستفيدوا كمان
لا لا العمليه مش كدا وكما قال الشاعر
أوردها سعد وسعد مشتمل ***ماهكذاياسعد تورد الأبل
سوري في المثل بس فعلا كثير منا بيخبط ويلزق مش هنا وبس
أنا بأتكلم عن عالم المنتديات وواقعها
أكيد العمليه مش بس ضياع للأوقات لأطبعا لازم نستفيد ونفرفش ونتناقش
أكيدمافيش حد منا إلا وعنده خبرات ومعلومات وإمكانيات كمان الكثير منالايعرفها
طيب ليش مانستفيد من بعض ؟؟؟أقولكم كفايه كدا خلونانشوف ردودكم وأفكاركم
عن هذا الكلام وكيف نبدأ فعلا نطبقه وحنشوف الفرق
فهيا ياحلوين أبدعوا@
Night Queen
02 Feb 2009, 01:27
والله بتمنى إن كتابات الاعضاء ماتقتصر على الخواطر وبس
نتمنى تتعدى هذ الحدود وتشمل مواضيع عامه على الأقل نتفوق على باقي المنتديات
بقلة مواضيع المنقوله ويجوا ينقلوا منا ونكون احنا المصدر اللي يآخذوا منه مواضيعهم
مو بس بالمواضيع حتى بالردود
والنقاش والحوار الفكري الراقي
حتى لو تضاربت الاراء فاختلاف الرأي لايفسد للود قضيه
تسلم يامبسوط وانا عجبني موضوعك والاحلى انو مو منقول
أما بالنسبه لي والله انقل بس المواضيع اللي تعجبني واغلبهامحفوظه عندي
وفيه منتدى ثاني بس لمواضيعي اللي من كتاباتي مواضيع عامه وخواطر
وان شاء الله قريب انزلها هنا
lost-angel
02 Feb 2009, 04:01
والله يامبسوط انو كلامك مظبوط
وفعلاً من خبرتي بالمنتدى انا مامر عليا الا قليل مره انو احد يحط موضوع من خلاصة افكاره او نناقش فكره معينه
عندنا هنا بساحة المدينه كم موضوع ومثبت لكن للأسف مافي احد بيدخل او يناقش او يطرح وجهة نظره
يمكن معدودين على الاصابع واذكر منهم رولاند اللي تكتب وزوزي مؤخراً
اما البقية يدخلوا تسجيل حضور ويخرجوا لا اكثر ولا اقل
بجد عجبني موضوعك ويعطيك الف عافية وخلونا نجرب ليش لا
شوكرن يالوست اولا تانيا مبسوط موضوعك رائع انا كنت بتفاعل دائما مع المواضيع وبحط التعليق المناسب للموضوع لكن شفت مافي احد بيعلق لمواضيعي سوى بس يسلموا او شكرا او تقبلي مروري او تسجيل حضور صراحه بنقهر خلاص انا بصراحه صرت زيي زيهم في مواضيع تستاهل الرد وفي مواضيع اكون خشيتها غلط يعني في قسم ماحبه اضطر انو اكتب اي تعليق عارفه انو غلط مني بس اضطراري تقبل تحيتي ودمت على خير
ANA MABSOOOOOT
18 Mar 2009, 01:13
نايت كوين *لوست *موني
أشكركم من أعماق قلبي على ردودكم الممتعه والرائعه وهذا دليل أنكم رائعون حقا
وأتمنى يالوست إنو التقييم للمشاركات يكون حسب المشاركات والردود التي تستحق
مش بالكثره لاكن بالكيف والتفاعل اللي بينعشششششششششششش@
Night Queen
19 Mar 2009, 02:29
حبيت اعلق ع كلام موني
واقولها لاتزعلي نفسك
انا لي موضوعين ومن جهدي وتعبت فيها بس قليل الردود
وهم:
مجلة المنتدى ((مع اني سويت الموضوع مرتين))
ودرس عمل توقيع
مع انو اغلب الاعضاء شايفين الموضوع
بس يلا عادي الواحد يقدم اللي عنده ولاينتظر شكر من احد
موضوعك يامبسوط جميل ومفيد
وردود الأعضاء عجبتني كانوا بيشرحوا موضوعك وماقصرو يعطيهم العافيه
بس في شي حابه إني أضيفه أنه في الردود ما بيكون في نقاش للموضوع لمعرفه رأي العضو ووجهه نظره مجرد أنه تسجيل حضور فقط
أتمنى تكون ردودنا على المواضيع فيها شرح ونقاش لمعرفه وجهات نظركم المختلفه
أتمنى ما يزعل أحدمنى لأنه مجرد وجهه نظر
تقبلو مروري......
تحيتي لكم......
ANA MABSOOOOOT
19 Mar 2009, 05:24
أتمنى تكون ردودنا على المواضيع فيها شرح ونقاش لمعرفه وجهات نظركم المختلفه
أتمنى ما يزعل أحدمنى لأنه مجرد وجهه نظر
تقبلو مروري......
تحيتي لكم......
كلام جميل يازوزي وربنايفتح عليكي.....
تخيلوا ياجماعه إن سين من الناس يقعد يتكلم قدام واحد
ويتعب نفسه ويحرق أعصابه وفي الأخير
يرد اللي قدامه بكلمه أو كلمتين بالله موشي يرفع الضغط ويجيب السكررررررر
ياجماعه الموضوع لمايبدأبمشاركه معناها ياجمااااااااااعه بدنا نفتح موضوع ونتناقش
ونتعرف على الآراءوالأفكار
وهنا نتخاطب مع عقول وأفكار وعادات ونكتسب منهاالخبرات
يعني الموضوع مش ضياع أوقات ونقل ونسخ ولصق من أفكارغيرناوهات أي حاجه من أي حته وألغيناأنفسناوماوهبناالله به من إمكانيات وخبرات
أتمنى أن يكون هذاالمكان ساحه للنقاشات والإستفاده من الخبرات وكل واحد يجيب مافي جعبته
يعني أهل الطب ينوروناوأهل الطيران يعلموناوغيرهم وغيرهم إلخ إلخ إلخ@
ANA MABSOOOOOT
22 Mar 2009, 12:04
ماذا نكتب؟
كلنا يحب تكون مشاركاته وردوده كثيره
ويحب يكون من المتميزين ويبغى إسمو يكون في لوحةالشرف مش كدا برضو؟
طيب تعالوا نشوف هل هو يستحق فعلاهذااللقب أو التميز
ياجماعه ممكن عشان أكثرنا بينقشهانسخ ولصق
وأحيانا تلاقيه مايكتب م ن ق و ش ماهيك ياجماعه ويظن الناس إنوأبوها
هل تذكرون قصةالذي مات في أحدالمنتديات إيش حصلوا مشاركاته!ّ!!!
هل ماأكتبه شئ يشرفني عندالناس وعندنفسي وربي؟؟؟
أتمنى أن يراجع كل واحدنفسوا وضميرواقبل مايضغطأي زر
وكمايقولون ماكان لله دام وأتصل وماكان لغير الله إنقطع وأنفصل
في بعض الردود نجد أن الموضوع في وادي والرد في وادي آخر
وهذا معناه إنو صاحبنا اللي بيرد ماعندوووووش وقت إقرأوحب يجامل هههه
بس كفايه خلونا نشوف هل محاورون جيدون
المرسل هو أنت فلتكن رسالتك واضحه هادفه ومهمه @
النسخة الماسية الإصدار vBulletin
bdr130.net
diamond