المساعد الشخصي الرقمي

مشاهدة النسخة كاملة : موآٌقف الأعضاء الكوميديه

Night Queen
07 Jan 2009, 09:08
بسم الله الرحمن الرحيم



كيفكم؟!






هــذا المـووضـووع انشـــاء الله يعجب الجميع


واحد يذكر مواقف محرجه له في طفولته او شبابه او شيخوخته ههه
يقولها هنا وحنا كلنا معاها محد بيضحك عليه<<<<< كثررررررررررررري منها اجل ليش حاطه الموضوع!!!



استعدو كل وحدة يربط بطنه عشان مايموت من الضحك بس هاااااااااااااااااااه



أي وآحد عنده مواقف مضحكه صآرتله ينقلهـا هنا وحـنـا نعلق عليها


أتمنى ان الموضوع يكـون مـفـهـوم لـدى الجميـع ..


اممممممممممم

راح ابدا

استعدوا


عشان تجون بعدي وتقولو مواقفكم

اضغط هنا
http://www.mshaerdafah.com/vb/images/smilies/CA0I1S15.png

هههههههههه لعبت عليكم
لابجد بقول
Night Queen
07 Jan 2009, 09:15
باك..

بصراحه كل ماتذكرت هالموقف اجلس اضحك بجد

وحنا باول ثانوي كنا نصلح فصلنا جات عندنا رائدة الفصل
وكانت صاحبتي مرررره ماتطيقها
المهم
جلسنا نفكر كيف نصلح فصلنا..نفكر..نفكر..

قالت وحده استاذه خلينا نحطه بحر واللوحات على شكل سفن
الفكره اعجبت المعلمه قالت والله مره حلوه
عاد انتم يالطالبات تصيرون لؤلؤ بالبحر

قالت صاحبتي تكلمني وهي (تتكلم عن الاستاذه) تقول : وانتي سمك قرش

هههههههههه

وربي ماتوقعنا المعلمه سمعتها لان كانت مره موطيه صوتها
قالت لها تعالي بعد الحصه
راحت لها وقالت لاتظنين اني ماسمعتك ومن هالكلام وتهزيئ
وصاحبتي طاااااااح وجهها من الاحراج ومن بعدها مرره اتغيرت معملة الاستاذه لها مرره حقدت عليها

يالله ايام حلوه بجد.,,,

وموقف ثاني لبنت اختي
هذي مرررا غبيه وخوافه <<معليش خالتو هههه
بأول ابتدائي مرا طلعت الاستاذه قالت لا احد يطلع بعدي ياويلكم ومادري شو
المهم البنات كلهم طلعوا ومنهم بنت اختي
واول ماشافوا الاستاذه كلهم رجعوا للفصل جرررري
بنت اختي طاحت منها جزمتها (وانتم بكرمه)وراحت للفصل وخلتها من الخوف طبعاً
هههههههههه
جات الاستاذه معاها الجزمه قالت لمين هذي ماردت <<خايفه منها البنت
وراحت الاستاذه تدور على الفصول لمين هالجزمه لمين
راحت للفصل الثاني وكان فيه اخت بنت اختي قالت يؤ هذي جزمه اسيل اختي هههه
وراحت لها والبنت تبكي من الخوف وجلست المعلمه تضحك وتراضيها وصارت تموووت فيها من بعد هالموقف ههههه

وبس يلا بانتظاركم ^_^
اهداء
07 Jan 2009, 10:44
ههههههههههههه
عجبني كتيييييير موقف بنت اختك
انشالله بس اتزكر موقف برجع
موني
08 Jan 2009, 03:48
تسجيل حضور لموضوعك اللي يضحك بس ليا رجعه لاني ماتزكر شي
ROLAND
08 Jan 2009, 04:57
اتزكرت موقف صار ليا في الشاليهات

كانت توته جالسه جنبي وقاعده تمزح معايا

وعاد انتو ماتعرفوا كيف مزحها ... خخخخخخخ ياويلي منها

مررررره عصبت قمت من جنبها وجلست جنب زوجها وكنت جالسه طرف الكرسي

ومع الاحراج طحت على الأرض واتجرحت قدام الناس ههههههههه
مره اتألمت وجلست أبكي واضحك أماتوته وزوجها وماما وميوته ماقدروا يمسكوا نفسهم من الضحك



يعني دا من اكتر المواقف المحرجه ليا وكل مانفتكره نقعد نضحك
lost-angel
10 Jan 2009, 09:29
وربي مواقفكم تضحك مره

لو بنت اختك ياكوين
او انتي يارلاوند

ههههه بجد مواقف مالها داعي


زي ابيخ موقف صار معايا بجد وشكلي كان غبي بيني وبين نفسي

مره كنت بسوق ومعصب ولقيت سيارة شباب جنبي سقطت عليا وانا تكرنت كيف يسقطوا عليا

المهم طالعت بعصبيه فيهم وصرت اصرخ زي (بطوط) لو تفتكروه حق ديزني

المهم مالقيت غير الشباب شدوا بالسياره وعدوني ووقفوا على اليمين

الا انا قلت عليا وعلى اعدائي ورحت وقفت وراهم وجيت نازل انو خلاص بتخانق معاهم

الا لقيت واحد منهم نزل وطلع الصيدليه

(طلع انهم ركنوا السياره عشان الصيدليه مو عشان يتخانقوا معايا وانهم ولا هم حولي)


طلعت سيارتي تاني وركبت وانا اتعوذ من الشيطان واضحك على هبالتي
شمعــــة غــلا
10 Jan 2009, 04:15
مواقف مره تضحك..



انا صار لي هالموقف في المدرسه قبل كم يوم
كان علينا حصة آنجليزي...
كان كل البنات ساكتين ومندمجين مع المعلمه
وسآلت المعلمه وقالت{ ايش معنى كلمة { لوست..!


انا ع طول وبكل ثقه قلت الضياع..<< ع اساس المدينه والامبراطور لوست..


جلست تضحك
وتقول لا..

اظن ان لها معنى ثاني يعني فقد او شي زي هيك
المهم احس طااح وجهي وتفشلت..
lost-angel
10 Jan 2009, 04:23
ههههههههههههه وربي ياشمعة مو صاحيه خخخخخخخخخخخ
توته احلى بنوته
10 Jan 2009, 05:17
ههههههههههههههههههههه
خخخخخخخخخخخخخخخخخخخ
هعهعهع
لسه فاكره يارولاند والله حتى اللي كنت ابغى اكتبه نسيته من كتر الضحك
المووضوع رووووعه وفكرته اروع
بس اكتر المواقف فشله
انا اتزكر اني في مراا كانت بنتي في الروضه وانا كنت ابغى اجامل المعلمه

وقلتلها انوو بنتي مراا تحبك ودايما تكلمني عنك
المهم (نطت )ود في الهرجه وقالت لالالا ياماما مو دي الابله اللي انا احبها

وانا احاول اغير الموضوع وابتسم لكن دون جدوى كانت ود مصره وبس
وراحت المعلمه ود برضوا مصرررررره
Night Queen
11 Jan 2009, 02:21
هههههههههههههه
مواقف تضحك من قلب والله
رولاند موقفك حلوو وطيحتك احلى هههه
الملاك ضحكني موقفك بجد ماتلعب ماعندك وقت ههههه

اوما شمعه شكل الاستاذه عرفت انك مسجله هنا ههههه
توته خخخخخ لاتجاملي ثاني مره

تحيتي
lost-angel
11 Jan 2009, 09:19
والله ياتوته مره مالك داعي هههههههههههه

لو مكانك ابغا الارض تنشق وتبلعني



ياكوين مشي حالك الهبل احياناً يمسك غلط هههههههههه
محروم المنال
11 Jan 2009, 12:18
هههههههههههههه بصراحه احلى موقف حتى الان بنت توته وربي فطست من الظحك
الله يخليها لكي يارب متخيل الشكل والردة الفعل وربي شي من جد محرج

بصراحه الحين مو فاكر بس افتكر على طول حرجع وانزل الموقف


يسلمو كوين عالطرح


محروووم
ANA MABSOOOOOT
11 Jan 2009, 02:45
أقول لوست مرررررررررررره مالك لازمه
تخيلتك ونت نازل ومعصب ومتجه للسياره وفي لحظه روووونغ نامبر
مثل غللي يجي من بعييييدكنه يسلم على واحد ويسلم على إللي خلفه
ياشيخ أدفع إللي تبيه بس تعيد لي الموقف بالبطيئ هههههههههه
ونسيت أقول فكره حلوه مررررررررره منك نايت كوين ومشكورين@@@
لووليتاا
11 Jan 2009, 03:33
ماااااااااارا روعه الموضوووع يا كوين

واكتر موقف مره بايخ

كنت اولى ابتدائي وقتها كانت عندي لعبه مره احبها وما اخلي احد يمسكها في يوم جات بنت جيراننا من وقت ما جات وانا ما سكه اللعبه مره كنت انانيه ههههههههههههه
المهم خلتني اروح واخدتها لمن جيت لقيتها معاها خلاااص عصبت والا انتقم منها ليش تاخد لعبتي شوفو ايش سويت
خليتها قاعده تلعب بيها وجيت فجأه لبست عبايه وقفت ورا الباب واخوفها باعلى صوتي وكل انواع الاصوات سويتها( مره كنت شريره وانا صغيره) ههههههههههههه البنت خافت وصارت تطالع في الغرفه كلها من فين جي الصوت دا وخرجت تجري عند امهاقعدت اضحك فرحانه انها خافت ليش اخدت لعبتي تستاهل وانا خارجه طحت بالعبايه مره كانت طويله وكبيره قدامها وقدام امها وحالتي صارت مره حلووه ههههه البنت صارت تضحك عليا وانا ابكي ليش كدا صار بعد ما خوفتها دحين تضحك علياههههههههههههههه
بعدها البنت ما صارت تجي عندي بس مره كان موقف بااااايخ وفشيله مره هههههههههه
lost-angel
11 Jan 2009, 04:15
هههههه من جد فشله يا لوليتا



ودحين مسكت معاك ياانا مبسوط ها بس بجد موقف والله ماكنت أٌحسد عليه ابدا
حسيت نفسي مره مره صغير بالعقل ههههههههههه
اهدوبه
11 Jan 2009, 09:40
والله موضوعك مررره عجبني وقلت لازملوووورد


المهم انا سرلي موقف معا اخواتي رولاند وتوته وميوته


كنا في السيارة وخرج جوز اختي من السيارة دخل المكتبه

وانا واخواتي جالسييين في السيارة المهم خرج هوااا للمكتبه

وبعدييين احنا بنجرب شريط اغاني ولالالا فجاْه توته الله يهديهااا


خخخخخخخخخخخخخخخخخخخخخخخ


رفعت الصوت للنهايه والناس صاااارت تتطالع وهيه ما عليهاااا

ههههههههههههههه<< اتحمست الاخت


بس والا جاه جوزهااا من وراء السياره ودخل ونكد علينااا


وانا ورولاند وميوته ميتييين من الضحك


والله موقف ماانسى طوووول حياتي


وبس



شعنونتكم
ROLAND
12 Jan 2009, 12:13
ههههههههههههههههههههه

والله دا اليوم مستحيل انساااااااااااه

حرام موبس توته اتحمست
كلنا اتحمسناااااااا ههههههههه
توته احلى بنوته
12 Jan 2009, 01:46
يالله موقف لااحسد عليه
مااعرف ايش خلاني اعمل كدا
لا وقلك ايه تاني يوم كنت مسافره
تخيلوا فشله وبعدها سفريه
ههههه
اهدوبه
12 Jan 2009, 03:44
هههههههههههههههههههههههه


كفشتكم ياااا اخواتي خخخخخخ


شعنونتكم
أم كمال
13 Jan 2009, 08:38
هههههههههههههههههههههههههههههههه

مواقفكم مررررره تموتمت من الضحك غدو حكيت جوزي على موقفك وجالس يضحك عليكي

ويقول دي تبا تتوظف وهي ماتعرف تجلس ههههههههههههههه

تسلمي كوين الموضوع مرررره حلو وليا رجعه ان شاء الله
Night Queen
14 Jan 2009, 04:06
هههههه
منورين والله
أنا قبل فتره صار لي موقف محرج بصراحه
كنت طالعه لمجمع اول العصر برجع غرض لي وكان فاضي الناس يصلون
والسواق برا ينتظرني
المهم اني واقفه عند الصراف بصرف والصاله فاضيه تماما
ولا فجأه تطلع من وراي حرمه
كذا لقيت وجهها عند كتفي
لابسه برقع اللي بس دائرتين طالعه ا لعيون
وربي شكلها يخوووف
أنا خلاااص قلت هذي إرهابيه بتخطفني>>> ^_^ياشين الثقه
واسحب فلوسي واحط رجلي
والحرمه وراي وتنادي تعالي يابنت
وانا بس ابغا اقرب بوابه اطلع
وهي تنادي وتقول تعالي وين رحتي
ترا بس بسألك وين محل مانغو
يؤيؤ طاح وجهي من الفشله
وقفت وقلت لها وسويت نفسي اني مستعجله عشان لاتفهم انها خوفتني>>تعرف تصرف
وركبت السياره ونفسي مقطوع
يمكن هذا أحرج موقف صار لي أنا
lost-angel
14 Jan 2009, 09:26
ههههههههه وربي مواقفكم مضيعه مره

وخصوصاً انتي ياكوين لو مكانك مدري ايش الاحراج اللي بيني ونين نفسي راح احس فيه ههههه


بجد مواقف مالها داعي مره
ROLAND
14 Jan 2009, 03:44
دلووووووو يادبه
قولي لزوجك اني مستحيل احبه خخخخخخخخخخخخخخخخ

وقوليله شكراااا على الوظيفه ههههه
ANA MABSOOOOOT
24 Jan 2009, 03:04
لوست نفسي أسمع منك القصه
إللي بالي ابلك يوم جريت ورا صاحبنا تظنه قال كلمة ك..............
هيا ورطناك وإللي كان كان ياحلوه
ننتظرها على نااااااااااااااااار@
zoozi
25 Jan 2009, 04:26
مواقفكم مضحكه وحلوه بنفس الوقت بس أكتر شي يلي يضحك هو مواقف الصغار مع الكبار أو الصغار مع بعضهم
أماأنا صار معايه موقف كنت أنا وأخواني بمتنزه وجالسين على الكراسي وبيمرو ناس من جنبنا فكانوا مجموعه شباب ماشيين جنب بعض بصف واحد يمكن 5 شباب وكلهم طوال ما عاد الولد يلي ماشي معاهم في النص أقصر منهم المهم أنا كنت مره مسرحه سمعت أخويه جالس على يميني بيقولي شوفي هناك فأنا طالعت على الجهه يلي جالس فيها رجع قلي هناك هناك أتاري قصده من الجهه التانيه المهم كانوا الشباب جايين من بعيد وأخويه شايفهم من الأول ولما كلمني عشان أشوف المنظر كانو خلاص مره قريبين جنبنا يعني صار وجهي بوجههم وأنا طالعت في المنظر وأضحك من قلبي وعيني جات بعين الولد الولد القصير يلي في الوسط لابس الباروكه الشعر المنكوش كان مقاسها مره كبير وهو قصير ووجهه موباين حسيته غرقان جوتها وأتخيلوه وهو بين أصحابه الطوال وهو شافني بضحك صار يضحك من جد هو وأصحابه والناس طول ماهو ماشي بيضحكوا عليه بس الشي يلي يضحك إني ما كنت منتبهتلو من بعيد يعني كنت مسكت نفسي عن الضحك لاكن الضحكه جات على طول أول ما أندرت عليه وشفته وما قدرت أمسك نفسي وهو ضحك على ضحكتي
طولت عليكم بس كل ما أتذكر المنظر دا من جد بضحك
بس لا تضحكوا كتير هااااااا موعشان شي بس عشان صحتكم ههههههههههه
تحيتي لكم............
Night Queen
13 Mar 2009, 11:17
هههههههههههههههه
موقفك توحفه يازوزي هههههههه