المساعد الشخصي الرقمي

مشاهدة النسخة كاملة : مامعنى اسمك المستعار ... وما سبب اختيارك له؟

صمت الحزن
25 Oct 2008, 05:45
كل واحد في المنتدى ما كتب اسمه الا لاسمه
لقصه و معنى .......
واتمنى من الجميع يجاوب :072:


وسؤالي هو وهو ما معنى اسمك ؟؟؟

ولماذا اخترت هذا الاسم بالذات وماهي قصة التسميه ؟؟؟؟؟؟؟
محروم المنال
25 Oct 2008, 07:38
هههه احراجات في هذا الموضوع ....

بس انا كتبت هالاسم من عام2001 وحين كنت بالصف الثاني ثانوي ..

كنت مرافق لاحد الاقرباء في المستشفى في قسم الاطفال..
كان في هذا القسم طفله عمرها 8 او 9 سنوات ,,كانت غايه في الجمال كل اللي يشوفها يقول ماشاء الله ,,في يوم سالت عنها اييش المرض اللي فيها قالو عندها مرض خطير في القلب ,,المهم كنت كل يوم اجي عالمغربيه اجبلها ورده كل يوم ورده وكانت تفرح بلمرررره ...

بعد كم يوم جيت وجايب الورده معايا وانا معدي فجاه طالعت من بعيد الغرفه فاضيه ..قلت الحمد لله شكلهم نقلوها للقسم التاني يعني صحتهااتعدلت ولمن جيت اسالت النيرسينج فين ""منال"" قالتلي "she is dead"
يعني ماتت..

حزنت عليها مره واليوم التاني وانا جي للمستشفى كنت متعود اعدي على محل الورد وافتكرت انو البنت ماتت ووقتها سميت نفسي محروم المنال يعني انحرمت من شوفة هالطفله للابد

تقبلي مروري
محروم المنال
Night Queen
25 Oct 2008, 08:15
ياااااه يامحروم
والله مرا مؤثره قصة النك

بالنسبه لي انا نكي دلع اسمي رنا
ملاك السعوديه
25 Oct 2008, 11:05
واو محروم وربي مره موضوع نكك يحزن الله يرحمها ويسكنها فسيح جناته..

بلنسبه ليا انا احب اسم ملاك وانا زودت السعوديه عشان مارضي يسجلني بملاك لوحدو..
تقبلو مروري..
أم كمال
25 Oct 2008, 11:50
وانا عندي ولد اسموكمال فصارو يسموني ام
كمال هههه
وانا مرررره اعتز بدا الاسم معانومكبرني
توته احلى بنوته
26 Oct 2008, 12:40
اسمي توته هذا دلع بنوتتي وصغيرتي ربنا يخليهاهي واخواتها يارب ليا قولو امييييييييين
شمعــــة غــلا
26 Oct 2008, 03:30
آمين يارب....

اما انا والله مافي قصه ولا شي بس لان انا ركبت الاسم بنفسي يعني ماخذيته لا من هنا ولا من هناك...
ومعناه يدل ع شخصيتي كمان..
يسلمو موضوعك حلو صراحه
صمت الحزن
26 Oct 2008, 09:38
من جد قصه اسمك يامحروم مره محزنه الله يسكن البنت فسيح جناته

مشكورين حبايبي على المرور
miss-jeddah
27 Oct 2008, 01:41
انا ماليا قصه ولا شي
بس اسم مس جده ماخدتو من اسم ايميل عاملتو بنفس الاسم
وحبيت يكون اسمي في المنتدى
موضوعك حلو ياكتكوته

مع حبي وتقديري...
نونة الحنونة
27 Oct 2008, 09:55
محروم قصتك تحزن الله يرحمها يارب

انابالنسبة لاسمي نونة لانه قريب من اسمي وانسان عزيز علي كان بيناديني بهالاسم

أما الحنونة فهي صفة فيني ومااقدر اتخلى عنها بالرغم من انها تاعبتني شويتين

ونونة الحنونة كتركيبة لسم ايميل خاص فيني
lost-angel
27 Oct 2008, 10:49
بجد مره حلو الموضوع عجبني كثير

والله يخلي ليكم عيالكم اللي مسجلين على اسمائهم
اما انت يامحروم وربي انصدمت يوم ماقريت وعرفت النك حقك بجد
الله يرحمها


اما بالنسبة لاسمي .......

انا من سنة 2000 وبعد صدمة مريت فيها كان كل واحد يشوفني من اصحابي ويعرفوا حكايتي يقولوا ليا انتا تتصرف زي ملاك في زمن غلط

ولما صرت اكتب خواطر سميت نفسي الملاك الضائع
وبعدها الموقع سميته بالنك نفسه الملاك الضائع


وتسجيل حضور لموضوع رائع
صمت الحزن
27 Oct 2008, 11:05
يعطيكم العافيه حبايبي على المرور
موني
29 Oct 2008, 02:35
موضوع غريب وحلو مرره بالنسبه ليا اسمي لدلع فقط واحب الناس ينادوني بالدلع ده