المساعد الشخصي الرقمي

مشاهدة النسخة كاملة : جدة غير


lost-angel
29 Jul 2008, 04:18
جــغـــرافـيـــــا .. جـــــــــــدة

تقع مدينة جــدة على الساحل الغربي لبحيرة المسك . عفوا ... من المملكة حيث يحدها غربا محطة تحليه مياه البحر (وهي لا تمت بأي صلة بـ جــدة ، حتى الموية اللي بتتحلى ما نعرف بتروح فين) جابتلنا العمى، في عمودين طالعين من التحلية يطلعوا دخان هذا الدخان تسبب في أمراض الربو لأكثر من 40 % من سكان جــدة وخصوصآ سكن مستشفى العسكري .

أما شمالا فيحدها مطار الملك عبد العزيز الدولي (مسكين الملك عبد العزيز والله مظلوم ماله ذنب في ا لمطار ... أقترح أنهم يقلبوه صالة أفراح .. صدقوني يجيب دهب)، وقال إيه أكبر مطار في التاريخ عفوا أقصد أكبر عملية نصب في التاريخ ,,

- طبعا أي طيار يتعطل جهاز الكمبيوتر اللي في الطيارة عنده 4 علامات في النهار تدله انه فوق جدة:

1. دخـان التحلية

2. كبر حجم أرض المطار

3. زحمة حي البوادي

4. الكركبة اللي في شارع الستين


-5 أما ليلا إذا أتعطل الكمبيوتر فمعناها إن الخطوط الجوية السعودية كلها يبغالها تغيير الآن .. يعني مو في نهاية الشوط الثاني

أما جنوبا فتحدها جـزر البندقية (تم ترا لا لم .. تم تم) J .. قـوة العبور الى الـغــد (دا أنا إذا عندي ربع المبلغ اللي طار به دا مو أروح للغـد دا أنا أروح شهرين لقدام) .. جزر البندقية هي تاسع عجائب الدنيا السبع (حلوة دي ها ).

أ ما شرقا كما أسلفنا بحيرة المسك وهي في غاية الروعة والجمال حيث تمد هذه البحيرة في حالة هبوب الرياح شمال شرق على جدة برائحة ما تشمها في أي مكان لأنها عالية التركيز شديدة التعبير سهلة الانتشار، محملة بـ كوكتيل فيروسات وأمراض غريبة عجيبة، الطب يبغالوا مشوار عن يستوعبها .

- المناخ :- يمتاز طقس جــدة بخاصية الغابر مغترب نهارا لاصق ملتصق ليلا، من ما يجعل مناخها معتدل طوال السنة مائل الى البرودة في معظم فتراته بس إذا كنت داخل البيوت فقط

- التعداد السكاني :- عدد سكان جــدة حسب أخر إحصائية صدرت من عمادة القبول والتسجيل هي 700,000 نسمة فقط في طريق المدينة وحده، مليون و 800 ألف في مشروع الإسكان اللي في شارع الستين 7 مليون في البلد ونص مليار ما بين الهنداوية والسبيل وحوالي 3,000 في عداد المفقودين، أما سكانها الأصليين فهم مليون نسمة ينحدر ربعهم من الهند وثلث تكارنة و20 % للسعاة و 11% مخلط و 1 % باعشن صافي .. لو سمحت

- المنتجات الزراعية :- تشتهر جــدة بنوعين فقط من المنتجات الزراعية هي نعناع المدينة ورمان الطائف والمنجا الهندية واليوسف المغربي والبرتقال المصري والموز الماليزي أشهرها على الإطلاق اللوز البجلي اللي في ع***ش

- المنتجات الصناعية:- تشتهر جــدة بعدة منتجات صناعية أهمها صحون الدشات وعلب البليلة

- الموارد الطبيعية:- يوجد في جــدة موردين طبيعيين فقط 1) مياه الصرف الصحي العذبة
2) تفالين سواقين الليموزين الهنود والبنغالة وانت واقف في الإشارة
- تضاريسها:- تشتهر جــدة بعدة تضاريس مثل الحفريات والتحويلات والبيارات الطافحة

- أهم معالمها:- من أهم معالم جــ دة الحضارية الكوبري المربع (حاجة ولا في الأحلام)، مجرى السيل الشهير )يهبل)، مطعم البيك اللي في البلد (ميشن امباسيبول)، سوق الصواريخ (واجهة حضارية (، باصات خط البلدية

- أهم الأماكن السياحية:-

o من أشهر الأماكن السياحية التي يجب على كل سائح زيارتها في جــدة هي عين العزيزية (تعتبر عين العزيزية من أهم وأحب الأماكن التي تتم فيها تصوير الأفلام حيث أخذت بعض لقطات أشهر الأفلام في عين العزيزة أشهرها الفيلم البلجيكي طرزان
o أيضآ من أشهر المزارات هو سور الحوامل
o ومن أهم شوارعها شارع التحلية (للسعوديين فقط)
o أيضآ لا ننسى البنقلة أو سوق السمك (من جد من أحلى الأماكن بس عفن >o بحيرة الأربعين (ياكلك )

- صدق أو لا تصدق عن جــدة :-

o يوجد في جــدة 2,000 وايت صرف صحي تجوب شوارعها ليل نهار طبعآ للتبخير وتعطير الجـو مع تحيات أمانة جــدة
o يوجد في جــدة مــول لكل مـواطن (بنهاية القرن الحالي حيكون في مولات للخليجيين أيضآ وبعديين للمقيمين يعني حبة حبة علينا (
o تتألف جــدة من 14 حي سكني أساسي و 50 عشوائي و 30 إختياري 7 ونص إحتياطي
o تعتبر جــدة مرتع للشركات الصفقات الوهمية المبنية على أسس قوية
o يوجد بئر في بيت كل ساكن في جــدة
o يوجد في جــدة أول باصات في التاريخ لا تعتمد على الوقود أو الديزل في التشغيل (باصات خط البلدية )
o يوجد في جــدة أحدث شبكة مترو أنفاق (صدق بقوة )
o أسرع قطار في التاريخ يربط جــدة بمكة المكرمة

بس ..



و في النهاية لسه كمان بنقول


جده غيييييييييييييير


منقول

شاكوش ضائع
29 Jul 2008, 06:28
ههههههههههههههههههههههه


ياخي نسيت الصناعيه

و لا الحوش اقصد الجامعه

ولا ماشاء الله عالشاطيء اللي عندنا

ولا ريحة البحر ماتتنسي

ولا الصراصير و الفيران اللي متمركزين عالبحر

ولا سيارات ال**اله و عوامل تلطيف الجو بمخلوط قمامه

ولا الكباري اللي فيها اشارات تى احنا الدوله الوحيده اللي فيها كباري باشارات

ولا
ولا
ولا



بس خلاااااااااص




و تقبلو مروري



اخوكم عثمان الشريف

بلسم جروح
29 Jul 2008, 09:57
موضوع رائع إنتوا جده غير وإحنا مكه خير أيت خير هما خلوا فيها خير بس

lost-angel
29 Jul 2008, 10:06
يعطيكم العافية حبايبي على مروركم اللي اسعدني كثير :)

تقبلوا تحيتي
الملاك

لووليتاا
30 Jul 2008, 02:21
ههههههههههههههههههههه
لا ودحين كملوها الصروب صارت ما تنطاق
تسلم لوست عالموضوع
تقبل مروري

محروم المنال
30 Jul 2008, 04:46
والله من جد
جده غير
نقول ايه بس

محروووووووم

lost-angel
30 Jul 2008, 09:10
يعطيكم العافية حبايبي على المرور :)

تقبلوا تحيتي
الملاك

صمت الحزن
30 Jul 2008, 07:41
مشكووووووور ملاك على الموضوع

ملاك السعوديه
31 Jul 2008, 12:20
لوليتا وربي انك صاادقه صارت ماتنطاق بصروب الي فيها..
اش هدا لوست نسيت احياء جده الشعبيه الهنداويه والبلد وباب مكه وسوق اليمنه وهاذي الاماكن ترى احلى معالم سياحيه فيها زي الفيران اخر اليل تقول بسس مو فيران ههههههههههههههههههههههههههههههههههه..
يسلمووووووو على الموضوع..

lost-angel
31 Jul 2008, 03:58
هههه ياحبايبي كويس اني مجمع لحد دحين ههههههههههه

عموما تسلموا على مروركم اللي اسعدني كثير