المساعد الشخصي الرقمي

مشاهدة النسخة كاملة : مرحبا


موني
15 Jan 2011, 06:26
كيفكم انشالله تمام وعال العال


اممم عندي اقتراح اللي هوا ممكن يرتب الاقسام ونفسي نعدل بعض اسامي الاقسام من باب التغيير

بالنسبه لليوتيوب صاروا كثير يحطوا اغاني فيه امم مادري ودي نحط قسم فرعي من اليويتوب

او قسم خاص للاغاني ونسميه مكتبة الموسيقى مثلا



وكمان في بعض المسميات يعني ودي نغيرها شوي يعني مثلا قسم الديزاين نبغى نخليه لمسة احتراف او سنا الاصابع يعني اي شي الا عندو اسم معين يعني نتشاور

اممم كمان مثلا السياحه نخليه حول العالم او وطن ملون او اي شي ترى افكار يعني

انو الاخبار نخليه مثلا بانوراما

انو المطبخ ركن امي شفتها منتدى عجبني كثير المسمى واللي عندوو مسمى تاني يقول

قسم البنات مثلا انثى ورديه ولا نواعم ورديه يعني اي شي يدل انو قسم البنات لانو مسمياتنا شوي روتينيه


مثلا الافلام ممكن نخليه سينما


مثلا الساحه العامه نخلها اضاءات يعني سرقت المسميات من البرامج هههه

بس وانتوا فكروا اتمنى يعجبكم الاقتراح يعني من باب التجديد شوي وترى المسميات اللي كتبتها كانت افكاري ماعدا ركن امي و سنا الاصابع عجبتني االمسميات

Ơŋєѕ ѕσųł
15 Jan 2011, 06:36
والله يموني انا معاكي بس لوست الكسلان مو راضي يسوي شي هع

اصلا مو فاضي خخخخخ

وعلى حكايه اليوتيوب ترى قلتله اول انو نخلي قسم خااص للموسيقى بس للآسف مارضي

وحكايه الأسماء انو نغيرها ترى مو بس كده في اشيأء كثيره لازم تتغير وتتصلح زي قسم الأفلام

نرتبها يعني المسلسلات لها قسم تاني كده ملخبطه مع الأفلام مره احسها لخبطت القسم

يعني لازم يترتب الأقسام ,,

موني
15 Jan 2011, 07:10
يب صح على سالفه المسلسلات معاك انا فيها

ماعرف ايش حيكون السبب في رفضووو يمكن يكون في ثقل مثلا على المنتدى او شي ماعرف

zoozi
15 Jan 2011, 07:37
اقتراحك حلوو مونتي كنوع من التغيير حتى الأسامي اللي طرحتيها حلووه
يعطيكِ الف عافيه ياعسوولتي على مجهودك

lost-angel
15 Jan 2011, 10:03
السلام عليكم

حلوة اقتراحاتكم بس عندي تعقيب بسيط عليكم :) لو سمحتوا لي

حكاية اول شي المسلسلات انا موافق على الرأي وراح افتحه الان بس كنت مستني انو نوصل لعدد مواضيع كبير يستاهل انو يتفتح ليه قسم فرعي عشان لانصير زي باقي المنتديات زحمة على الفاضي والناس تضيع مره

وبالنسبة لليوتيوب اوكي ماعندي مشكله كمان راح افتح قسم اغاني اليوتيوب وانتوا انقلوا المواضيع وبرضو فكرتي كانت انو مابغا نوسع الاقسام والناس تضيع بزياده لأنو في النهاية اي قسم لو راح افكر افتح اقسام تحته راح اخترع ستين الف قسم وراح نضيع بزياده والكنترول راح نفقده بزياده

اذا موافقين على الكلام هذا انو نوسع بس قسم اليوتيوب والمسلسلات راح اسويه عادي بس اعطوني اوكيه الان عليه


الشي الثاني حكاية المسميات انا متعمد اخليها بالاسم هذا عشان تظهر في عناكب البحث وهذه اكثر الاسماء علميات البحث بيكون فيها وهنا راح نستفيد لأنو احنا اول موقع بقوقل يظهر اسم موقعنا فراح نكون من اوائل المواقع اللي تعطي للباحث الاقسام حقتنا عشان كدا انا مافضل انو نغير الاسماء عشان تدعمنا في عمليات البحث من الزوار ...

وهذه وجهة نظري كانت بخصوص تكبير الاقسام وبخصوص تغيير الاسماء واي اقتراح او مناقشه عادي بالعكس قولوها رواح نسوي رأي الجماعه في النهاية هادي مدينتكم وانتوا مسئولين عنها ..

Ơŋєѕ ѕσųł
15 Jan 2011, 10:20
من ناحيه موافقين اكييد تبعا اليوتيوب + والمسلسلات تمام كده

يسلموو لووست وفي الأخير رآيك ,.

lost-angel
15 Jan 2011, 10:36
تعقيب


أولاً تم تعديل قسم اليوتيوب حتى تظهر مباشرة بدون روابط

ثانياً

تم اضافة قسم المسلسلات تحت قسم الأفلام
وقسم اغاني اليوتيوب تحت قسم اليوتيوب كأقسام فرعية

الله يعينكم وابدأوا نقل المواضيع ...

موني
16 Jan 2011, 05:17
والله يسلمووو مره ملاك وعادي خلاص اقنعتني على المسميات صح مافكرت فيها

ربي يسعدك انشالله ويسلموووو ندوشتي على النقل تعبناك وانا اشوف دحين اذا في شي يبغالوا نقل

Ơŋєѕ ѕσųł
16 Jan 2011, 06:38
ولو يموني مافي تعب ولاشي هادا واجبي بالمدينه ..

zoozi
16 Jan 2011, 07:16
مجهود تشكروا عليه يعطيكم الف عافيه ياحلوووين

lost-angel
16 Jan 2011, 09:52
يعطيكم الف عافيه على النقل والتعقيب والآراء الحلوة ...


ومشكورين على مجهودكم

ROLAND
17 Jan 2011, 12:21
يعطيكم العافيه جميعا

ريان
17 Jan 2011, 01:38
يسلمو ياموني على الاراء الحلوة

ولوست يسلمو على الاستجابه الاحلى

وان شاء الله دايما في تقدم وازدهار

حلى الدنيا
18 Jan 2011, 01:51
يعطيك العافيه جميعا ع مجهوداتكم الرائعه